BiscayTIK Fundazioa - Enpresaren FAQ

Maiz egiten diren galderak

Zer da Bake Eder Ezagutza Zentroa?

Bake Eder Ezagutza Zentroa zentro teknologiko aitzindari eta puntakoa da, bakarra bere zereginetan. Bertan teknologien ezagutza bultzatzeko jarduerak garatzen dira, baita Komunikazio Teknologiaren bidez herritarrei arreta ematearekin lotutako kudeaketa praktikak ere.

Zer egin behar dut Ezagutza Zentroko parte izateko?

Zentroa elkarlaneko gune publiko-pribatu gisa berrikuntza eta ezagutza sortzeko tokiko administrazioan teknologien aplikazio gaietarako pentsatuta dago. Horretaz gain, balio erantsia sortzeko eta Bizkaiko enpresa profesionalak estatuan, zein nazioartean sustatzeko eginda dago.
Ezagutza Zentroko parte izan nahi dituzten enpresek informatika, telekomunikazioak, Teknologia Berriak eta Informazio Gizartea, Interneten erabilera aurreratua (komunikazioa, aholkularitza eta kontsultoretza…) alorrekoak izango dira eta enpresen lehiakortasunaren hobekuntzari buruzko zerbitzuekin loturik egon behar dute.
Bake Eder Ezagutza Zentroko parte izateko eskaera inprimakia, betetzeko argibideak barne dituena, hemen deskarga daiteke. Formularioa (PDF 790Kb).
Dudarik izatekotan, BiscayTIKekin harremanetan jarri eskaintzak@biscaytik.eu helbide elektronikoaren bidez.

Posiblea da Zentroko instalazioak erabiltzea ekitaldiak antolatzeko?

Bake Eder Ezagutza Zentroak, Getxon (Bizkaia), giro profesionala eta modernoa eskaintzen du zure enpresa ekitaldiak antolatzeko. Bi eraikinetan 6 areto ditu alokatzeko, bilerak, aurkezpenak, mintegiak, eta edozein enpresa ekitaldia egiteko prest. Bere tratu profesionala, ekipamendua eta sarbide erraza dela eta, Ezagutza Zentroa aukera ezin hobea da.
Informazio gehiago aurki dezakezu honako helbide elektronikoan: www.biscaytik.eu/eu-ES/bake-eder-ezagutza-zentroa/alokairu-gelak/Orrialdeak/default.aspx