BiscayTIK Fundazioa - UdaTIK 2019 uztailaren 1etik 12ra izango da

Udaletxearen edo mankomunitatearen logoa

Albisteak

 

Bizkaiko Foru Aldundiaren menpeko BiskayTIK Fundazioak beste urte batez antolatuko du udaTIK, urtez urte antolatu izan da, eta aurtengoa seigarren aldia da. Gazteentzako udako hitzordu honek parte-hartze esanguratsua izan du aurreko deialdietan, eta, aurten ere, interes maila mantendu eta lekuak agortzea espero da. Udaleku informatiko bat da, doakoa, teknologian eta informatikan interesa duten 32 gaztek programazioan, diseinu grafikoan eta Interneten arloan lan egin dezaten, aurre-ezagutzarik eduki beharrik gabe.

Campus teknologikoa BiscayTIKen

UdaTIK Getxon izango da, BiscayTIK Fundazioaren instalazioetan, uztailaren 1etik 12ra, goizez 9:00etatik 14:00etara. Proposamena Bizkaian bizi diren 9 eta 14 urte bitarteko haur eta gazteei zuzenduta dago.

Ikasleek aplikazioak eta jokoak nola programatzen diren ikasiko dute. Lan-saioak, aurreko urteetan bezalaxe, talde txikietan egingo dira. Astelehenean, apirilak 1, emango da informazio gehiago ikastaroaren edukiei eta betebeharrei buruz,. Egun horretan izena emateko epea ere irekiko da.

 

HARREMANETARAKO

Recepcionista
HERRITARREI ARRETA
FUNTZIONARIOEI ARRETA